16 Outubro 2012, 18:30

http://istoenormal.org/images/254.jpg

Aprender a mirar: iniciación á Fotografía

Curso de iniciación á fotografía que pretende achegar os alumnos ao feito fotográfico, vendo a súa relación coas outras artes (cine, pintura, literatura).

Obxectivos:

- Achegar os alumnos ao feito fotográfico, vendo a súa relación coas outras artes (cinema, pintura, literatura).

- Conseguir crear unha curiosidade e unha sensibilidade cara a fotografía.

- Aprender a interpretación da fotografía no espazo-tempo. Analizar o feito fotográfico como instante que conxela o presente, transcendendo no futuro como memoria do pasado.

- Ser conscientes do que implica tomar unha fotografía: algo que xamais se volverá repetir e que podemos “repetir”, copiar, tantas veces como queiramos.

- Coñecer o manexo de diferentes tipos de cámaras fotográficas e, dun xeito máis específico, coñecer o manexo e técnicas básicas da cámara réflex.

- Aprender a saber intuír o lugar, a posición e o momento á hora de disparar unha fotografía.

Contidos:

- Achegamento ao fenómeno artístico da fotografía desde os seus comezos até o día de hoxe (desde a pintura dos Países Baixos á fotografía dixital).

- Coñecemento da cámara réflex: as súas partes (corpo e obxectivos), a técnica fotográfica (enfoque, encadre, luz) e a técnica de revelado.

- Os parámetros a ter en conta á hora de tomar unha fotografía:
o O diafragma
o A velocidade de obturación
o A sensibilidade do sensor. O ISO
o O balance de brancos
o A compensación da exposición. O EV

- Búsqueda do feito fotográfico a partir doutros campos artísticos e a súa interconexión (pintura, cinema, vídeo).

- A fotografía como resultado do mundo íntimo e interior do fotógrafo.

- A fotografía en branco e negro vs a fotografía a cor.

- Saídas onde se porán en práctica os coñecementos adquiridos polos alumnos

O desenvolvemento do curso parte dos coñecementos do profesor de fotografía, apoiados na proxección de diapositivas, fotografías, pinturas, vídeos e lecturas de textos que incentiven o interese pola fotografía. Ademais, as saídas ao exterior tentarán reflexar o exposto nas clases, de xeito que o alumnado poña en práctica os contidos do curso.

O obradoiro é impartido por Pablo Mella, fotógrafo que conta con participación en varias exposicións, entre as que sobresae a Bienal de Roma.

Datas: todos os martes entre o 16 de outubro e o 15 de xaneiro.
Horario: de 18:30 a 21:00 horas (30 horas en total).
Lugar: aula de obradoiros de NORMAL.
Prezos: 35€ comunidade universitaria da UDC (25€ en segunda matrícula) / 55€ público xeral (45€ en segunda matrícula)
Créditos de libre elección: 2 (solicitados)

Preinscrición e matrícula:

Debido ás obras de mellora e acondicionamento das aulas onde se desenvolverán os obradoiros, que están a demorar a inscrición nas actividades de NORMAL, ábrese un prazo de preinscrición até o momento en que se abra oficialmente o prazo de matrícula. Para isto, abondará con comunicar ao correo cultura.coruna@udc.es, baixo o asunto “Preinscrición”, os seus datos persoais (nome completo, DNI e teléfono), con indicación do obradoiro ou curso en que quere participar. Recibirá un aviso de confirmación no momento en que se abra o prazo de matrícula. Grazas pola colaboración e desculpe as molestias ocasionadas.

Tamén pode preinscribirse directamente en:
NORMAL. Espazo de intervención cultural da UDC. Paseo de Ronda 47, A Coruña.
TF: 981 167 000, extensión 4502 Mail: info@istoenormal.org
Área de Cultura. Casa do Lagar, Campus de Elviña, A Coruña.
TF: 981 167 000, extensións 1954 e 1962 Mail: cultura.coruna@udc.es
Área de Deportes. Pavillón de Deportes, Campus de Elviña, A Coruña.
TF: 981 167 000, extensión 1904