2 Outubro 2017, 09:00

http://istoenormal.org/images/615.png

Convocatoria de matrícula nos obradoiros do primeiro cuadrimestre 2017-18

Información sobre a matrícula:
O prazo de matrícula comezará o día 2 de outubro de 2017 e rematará o 16 de outubro de 2017, ambos inclusive. A matrícula farase en liña.
As persoas que sexan novos usuarios terán que facer o proceso de rexistro, para o que terán que premer en “autenticacion NON universitarios e familiares” e escoller a opción “rexistro”. Logo de completar o formulario, recibirán no seu enderezo electrónico os datos necesarios para matriculárense.
A Área de Cultura resérvase o dereito de suspender os cursos que non acaden o mínimo de cinco persoas

Os prezos dos obradoiros serán os seguintes:

Cursos cuadrimestrais

  • 35 € para alumnos da UDC (30 € en segunda matrícula)
  • 55 € para membros da comunidade universitaria da UDC (50 € coa segunda matrícula no mesmo cuadrimestre
  • 40 €  para persoas desempregadas ou cunha discapacidade igual ou superior ao 33%. (35 € coa segunda matrícula no mesmo cuadrimestre)
  • 65 € para o público xeral (70 € coa segunda matrícula no mesmo cuadrimestre)

Restauración de mobles:

  • 70 € para alumnos da UDC (60 € coa segunda matrícula no mesmo cuadrimestre)
  • 90 € para membros do resto da comunidade universitaria da UDC (80 € coa segunda matrícula no mesmo cuadrimestre)
  • 75 €  para persoas desempregadas ou cunha discapacidade igual ou superior ao 33%. (55 € coa segunda matrícula no mesmo cuadrimestre)
  • 150 € para o público xeral (140 € coa segunda matrícula no mesmo cuadrimestre)

Importante:

Os prezos nos colectivos de persoas desempregadas ou con discapacidade, así como para o público xeral, inclúen seguro de accidentes

As persoas desempregadas ou que teñan acreditada discapacidade igual ou superior ao 33% deberán facer a matrícula presencialmente na oficina de cultura de Normal, achegando a documentación que acredite a súa situación.

As incidencias da matrícula en liña nos obradoiros, serán atendidas no correo normal@udc.gal ou nos teléfonos 881 014 502 e 881 014 518 en quenda de mañá e no 881 014 514 en quenda de tarde.


Listaxe de obradoiros ofertados:



Procedemento de matrícula:

O pagamento farase en liña, seguindo estas instrucións:

  •  autentique a súa identidade
  •  prema na lapela de “actividades”
  •  elixa o obradoiro no que quere inscribirse
  •  prema en “ver máis”
  •  siga a ligazón “inscrición”
  •  seleccione o xeito de pagamento e confirme