DdC/ Concerto de Xurxo Souto

Música, historia e narración oral protagonizarán a actuación do polifacético Xurxo Souto no espazo de concertos de DUCIA DE CANS.

Coa literatura, coa palabra ou coa música, Xurxo Souto é un artista total no sentido de saber penetrar no corazón da xente. O seu paso pola última edición de Cans, facendo un espectacular roteiro entre a música, a historia e a narración oral, servirá de base para a súa actuación en NORMAL. Escoitando a Souto estimúlase a alegría, pero tamén se aguilloa a raiba. “Cousa bonita!”, como el mesmo diría.

A entrada é libre até completar o aforo da sala.

Imaxes do concerto de Xurxo Souto en NORMAL.